Belbin Metodologiaren jatorria

Hasiera » Belbin zer da » Belbin Metodologiaren jatorria

Zergatik lortzen dute arrakasta ekipo batzuek, eta besteek ez?

Henleyko Administrative Staff College ikastegiko zuzendaritza-taldeak (orain Henley Business School deitzen zaio) planteatu zuen galdera hori, eta huraxe izan zen 1969an Meredith Belbin doktoreak abiatutako ikerketaren ernamuina. Ekipoen funtzionamenduari buruzko ikerketa izan zen hura, hamarkada batez garatu zena; negozio-simulazioko joko baten itxura hartu zuen, non zuzendariak lan-taldeetan aritzen baitziren lehian. Errendimendu handiko ekipo bilakatzea eta talde gisa eraginkortasuna lortzea zuten helburu.

Henley Business School

Henley-ko ikastegia aitzindaria izan zen Erresuma Batuan, zuzendaritza-batzordeetako kide eraginkor bihurtzeko prestakuntza eskaintzen lehendabizikoa izan baitzen. Reading-en dago, Londres eta Oxforden arteko erdibidean, eta Europako negozio-eskola zaharrena da. Gainera, munduko 50 negozio-eskola onenen zerrendan dago, Financial Times eta The Economist egunkarien arabera.

Meredith doktorea eta bere lantaldea

Garai hartan, ospe handiko akademiko eta psikologo industriala zen Meredith doktorea, Erresuma Batuko Manpower Services Commission organismoak sortutako Industrial Training Research Unit (ITRU) erakundeko presidente eta sortzaile-kidea.

Erronkari aurre egiteko, diziplina anitzeko taldea osatu zuen hainbat kiderekin batera: Bill Hartston, matematikaria eta nazioarteko xake-maisua; Jeanne Fisher, antropologoa eta Kenyako tribuetan aditua, eta Roger Motway, psikologo okupazionala.

Ikerketa

Hamarkada bat iraun zuen ikerketak, urte bakoitzean hiru negozio-simulazio joko egin zirelarik. Simulazio horietan, enpresa-ingurunean erabakiak hartzean izaten diren arazoen berezko aldagai nagusi guztiak jasotzen ziren. Esperimentua oso zorrotz diseinatu zen, arau zientifikoak betez eta etapa bakoitzean neurketa zehatzak eginez.

Parte-hartzaileek proba psikometriko batzuk eta pentsamendu kritikoa ebaluatzeko galdetegi bat osatzen zituzten, eta emaitzen arabera osatzen zituzten ekipoak Behar bezala entrenatutako behatzaileek minutu erditik behin erregistratzen zituzten pertsona bakoitzaren ekarpenak, eta kategoria ezberdinetan sailkatzen zituzten. Ariketaren amaieran, talde bakoitzaren finantza-emaitzak aurkeztu ziren (konpainia gisa aritzen ziren), eta, horri esker, “konpainia” eraginkorrenak eta eraginkortasun txikienekoak alderatu ahal izaten ziren.

Erabilitako proba psikometrikoak, neurri hauek barne hartzen zituztenak:

  • Arrazoitzeko gaitasun handia (Critical Thinking Appraisal).
  • Nortasuna (nortasunaren inbentarioa, Cattell-en 16 eskalak edo 16PF).
  • Perspektiba (lehentasun pertsonalen galdetegia edo PPQ, helburu horretarako berariaz garatua).

Aurkikuntzak


1. Aurreikus daiteke

Test psikometrikoetako eta IBTko puntuazioek talde bateko kideek izango lituzketen rolei buruzko iragarpenak egiteko informazioa ematen zuten, eta, azken batean, erakundeak irabazleen edo galtzaileen artean agertzeko aukera handiagoa ote zuen adierazten zuten.

2. Ez da adimena

Ikerketa horren emaitza gisa, ondorioztatu zen ekipo batzuek ez zutela espero zena lortu, nahiz eta beren adimenaren ondorioz bikainak izango zirela aurreikusi. Izan ere, konbinazio ezberdinak aztertu ondoren, argi geratu zen oreka zela, eta ez adimena, ekipo baten arrakasta ahalbidetzen zuena.

3. Bai, portaera da

Esperimentuan ikusi ahal izan zen pertsonek oso ezberdin jokatzen zutela egoera berdinaren aurrean. Nortasun ezberdinetako pertsonak nahasten zituztenak izan ziren ekipo arrakastatsuenak, hau da, portaera ezberdinak biltzen zituztenak.

4. Aniztasuna kudeatzea

Portaera ezberdinak ulertzea funtsezko lehen urratsa izan zen pertsonen kudeaketan. Hala ere, deskubritu zuten arrakasta lortu ahal izateko beharrezkoa zela, gainera, ekipoko kideen ekarpenak baloratzea eta koordinatzea, baita lanak behar bezala esleitzea ere.

5. 9 Rolak

Ikerketan antzemandako portaeren aniztasuna ?Belbin Talde-rolak? izeneko bederatzi patroitan bildu zen.

6. Oihartzuna

Orduz geroztik, bederatzi Belbin Talde-rolak mundu osoko erakundeetan erabiltzen dira. Belbin Talde-rolen teoriak erakundeetan pertsonak eta lantaldeak ulertzeko eta garatzeko modua aldatu du nabarmen, eta esparru honetako teoria garrantzitsuenetarikotzat hartzen da.

Irakurketa osagarriak

Henley-n egindako ikerketari eta lortutako emaitzei buruzko informazio gehiago aurkituko duzu Meredith Belbin doktoreak argitaratutako lehen liburuan ?Equipos directivos: el porqué de su éxito o fracaso- (Management Teams: Why they succeed or fail). Jarraian aurkezten dira Meredth Belbinen beste liburu batzuk, teoria eta haren aplikazioak xehetasun handiagoz azaltzen dituztenak:

  • Roles de equipo en el trabajo ?Team roles at work? (2000)
  • Beyond the Team (2001)
  • Changing the Way We Work (1997)
  • The Coming Shape of Organization (1996)

Belbin Associates erakundea Eskualde Garapeneko Europako Funtsaren onuradun izan da, zeinaren helburua baita ETEen lehiakortasuna hobetzea, betiere, enpresak nazioartean duen online estrategia marketin digitalaren bidez bultzatuz. Horretarako, Bilboko Merkataritza Ganberaren Xpande Digital Programaren laguntza izan du.

es_ESSpanish
euBasque es_ESSpanish