Bukatzailea

Ekarpena: Arretatsua, kontzientzitsua eta grinatsua. Akatsak bilatzen ditu. Gauzak perfekzionatzen ditu

Baimendutako ahulezia: Gehiegi kezkatzeko joera izan dezake eta eskuordetzeko uzkurra izan daiteke.

Ez harritu hau egiten badu: Perfekzionismoa muturrera eramaten du.

HELBURUA

Akatsak zuzentzea eta xehetasun garrantzitsuak kontuan hartzen direla ziurtatzea.

INDARGUNEAK

Begi bat xehetasunetan jarrita eta ahalik eta estandar altuenak lortzen ahaleginduz, Bukatzaileak oso egokiak dira jarraipen arduratsua, kontzentrazio sakona eta zehaztasun handia eskatzen duten arloetan lan egiteko, hala nola probak zuzendu edo zifrak egiaztatzeko.

Ekipoetan, “Kalitate-kontrolatzaile” gisa eta erroreak detektatzeko Bukatzaileengan jarri daiteke konfiantza osoa; hau gabe azken produktua edo emaitza arriskuan jarriko litzateke. Hau bereziki garrantzitsua izan daiteke erantzukizuna bi pertsona edo talde oso batena den lanetan.

Gauzak ondo egiteko barne-antsietate batek eraginda, Bukatzaileek kanpo-estimulu gutxi behar dituzte perfekzioa bilatzeko. Beren estandarrak kontuan hartuta, erantzukizuna beren gain hartzen dute, eta ez da oso gertagarria lana besteei ematea, beldur baitira beste pertsonak ez ote dion haien zaintza eta arreta bera emango zereginari.

BAIMENDUTAKO AHULEZIAK

Lana amaitzen dute zentzurik biribilenean; lana benetan amaitu beharrean, orrazten egon daitezke. Nahiz eta proiektu baten azken fasean dei dakiekeen lanari azken ukitua emateko, zailtasunak izan ditzakete epeak betetzeko, garrantzi handiagoa ematen baitiote gauzak ondo egiteari denborari baino.

Bukatzaileak mugiarazten dituen antsietateak ere kalte egin diezaieke, lan-karga maneiaezinarekin konprometitzera eraman baititzake, eta, beharbada, taldea desengainatzera. Antsietateak barnean eragiten duenez eta agian ez denez adierazten, baliteke taldea azken unera arte ez ohartzea ez dela gai izango epeak betetzeko. Era berean, gehiegizko kezkak adierazten dituzten Bukatzaileek taldearen gogoa murriztu dezakete.

Bukatzaileek xehetasun txikienengan jarri dezakete arreta, eta, ondorioz, oso erretxinak izan daitezke. Nahiz eta ezaugarri horiek baliagarriak izan daitezkeen proiektu baten amaieran, litekeena da arreta galtzea taldea plan edo estrategia orokor bat zehazten saiatzen ari denean. Era berean, mespretxuzkoak izan daitezke taldeko beste kide batzuekin, ikuspegi arduragabea edo orokorra dutelako.

NEGOZIGARRI EZ DIREN AHULEZIAK

Nahiz eta Bukatzaileak mirets daitezkeen xehetasunik txikiena ere zuzen egon dadin agertzen duten pertseberantziagatik, ez da onartu behar joera hori jokabide obsesibo bihurtzea.

NOLA KUDEATU

Zer egin…

Lehentasunak argitzea, lan-karga erabiltzen laguntzeko. Behar adina denbora eman behar zaie lana behar bezala eta kontu handiz egiteko.

Zer ez egin…

Lanaz gainkargatzea edo epe ez oso errealistak ezartzea. Gauzak ondo egiteko bere antsietatea ez onartzea.

---

BATERAGARRITASUNA TALDEKO BESTE ROLEKIN 

Litekeena da Bukatzaileek arduradun den Baliabideen Ikertzaile, Sustatzaile edo Garun batekin ondo lan egitea, bere laguntza beharko baitu xehetasunak kudeatzeko.

Bukatzaile rola duen arduradun batek  taldeko beste kide batzuen estandarrak goratzen ditu, baina zailtasunak izan ditzake emozioa eta berrikuntza xehetasunen gainetik baloratzen dituzten Baliabideen Ikertzaileen buru izateko.

LAN GIRO EZINHOBEA

Bukatzaileek hobeto lan egiten dute kontzentraziorako egokitutako giro batean, eta denbora egokia ematen dute gauzak arretaz berrikusteko.

LOTUTAKO GAITASUNAK

Talde-lana, denboraren kudeaketa, lidergoa, adeitsua, kalitatearen bilaketa, exijentzia, perfekzionismoa, kontzentrazioa, bezeroarentzako zerbitzua, zehatza, konplizea, zereginari emana, adimen emozionala.